繼續同史友們介紹一啲歷史上嘅謎題，每個國家喺滅亡之時，其實國庫之內點都會有啲財產嘅，咁到底簽訂咗咁多不平等條約嘅清朝，滅亡之時國庫仲有幾多錢呢？
清朝雖然喺歷史上簽訂咗唔少不平等條約，但其實喺深化咗明朝閉關鎖國嘅政策之後，都曾經出現過康乾盛世。但亦都係因為閉關鎖國政策，令到呢個王朝同西方各國嘅水平差距愈來愈大。喺鴉片戰爭之後，各國列強掀起瓜分中國嘅浪潮，各種喪權辱國的不平等條約亦都開始出現，唔單止令到中國唔少土地淪陷，甚至仲令國庫有重大損失。
《南京條約》、《馬關條約》等等就造成大量白銀流失，除此之後，慈禧去世後所用到嘅珠寶玉器，據據清宮檔案《內務府簿冊》記載就多達正珠、東珠、紅碧(王麼)、綠玉、珊瑚壽字、珊瑚雕璃虎等幾十種，孫殿英盜墓之時甚至要用到50個箱先裝得走，真係誇張。
而喺清朝滅亡果陣，據講袁世凱係想將國庫內嘅錢據為己有，但去到就發現只係得返幾個銀元，而且對外仲有好多不平等條約嘅款項未還得清，關稅權部份仲喺外國手上，所以嚴格嚟講國庫係負緊錢。
原圖嚟自網絡